రొమ్ములో గడ్డలు: లక్షణాలు, కారణాలు, నిర్దారణ మరియు చికిత్సపై డాక్టర్ కె మీనా వివరణ

రొమ్ములో గడ్డలు (Breast Lumps) అనేవి రొమ్ములో ఏర్పడే గడ్డలాగా కనిపించే కణాల పెరుగుదల సమస్య. ఇవి ఎక్కువగా హార్మోన్ల మార్పులు, సిస్ట్లు, ఇన్ఫెక్షన్ వల్ల ఏర్పడుతాయి. సాధారణంగా ఇవి హానికరం కానివి (బెనైన్) గా ఉంటాయి, కానీ కొన్ని సందర్భాల్లో క్యాన్సర్ (మాలిగ్నెంట్) గడ్డలు కూడా కావచ్చు. మధ్య వయసు మహిళల్లో ఎక్కువగా కనిపిస్తాయి, కానీ చిన్న వయసు వారిలో కూడా రావచ్చు. సాధారణంగా రొమ్ములో గడ్డ, నొప్పి, చర్మం పై ఎర్రదనం లేదా ముడతలు, రొమ్ము ఆకారం మారడం, చుట్టుపక్కల వాపు వంటి లక్షణాలు కనిపిస్తాయి. తీవ్రమైన దశలో గడ్డ కఠినంగా మారడం, చర్మానికి అతుక్కుపోవడం కూడా జరుగుతుంది.

ఈ అవగాహన వీడియోలో డాక్టర్ కె మీనా గారు రొమ్ములో గడ్డల లక్షణాలు, కారణాలు, రోగనిర్ధారణ పరీక్షలు మరియు చికిత్సల గురించి వివరంగా తెలియజేస్తారు. గడ్డల రకాన్ని తెలుసుకోవడానికి మామోగ్రామ్ (Mammogram), అల్ట్రాసౌండ్ (Ultrasound), బయోప్సీ (Biopsy) వంటి పరీక్షలు చేస్తారు. గడ్డ హానికరంలేనిదా, క్యాన్సర్ దా అనేదాని బట్టి మందులు, శస్త్రచికిత్స (Surgery), కీమోథెరపీ (Chemotherapy), రేడియేషన్, హార్మోన్ థెరపీ లాంటి చికిత్సలు చేస్తారు. ఈ వీడియో రొమ్ములో గడ్డల గురించి సరైన అవగాహన ఇస్తూ, ముందస్తు పరీక్షలు చేయించుకుని అవసరమైనప్పుడు సరైన చికిత్స తీసుకోవడానికి సహాయం పడుతుంది.